THEOREMA XXVI

1 Perpendicularis in speculum radius in seipsum reflectitur.

2 Cadat¹ enim in speculum AB perpendicularis CD². Aio quod radius, qui a signo D³ reflectitur, est in ipso CD radio. Si enim non est, sed si possibile, reflectatur extra CD, sitque DF, et ponatur ipsi CDF aequalis angulus CDE, producta⁴ DE, eritque[C:17v] etiam DE ad speculum inclinata, sicut DF. Quare sicut DC⁵ reflectitur in F, sic reflectetur in E⁶. Ab uno igitur speculi puncto D, in⁷ quod signum C radiat, in plura fiet loca reflexio⁸; quod per tertium⁹ suppositum est absurdum. Reflexio ergo radii non alibi quam in¹⁰ ipsa CD recta consistet.