Theorema 28¹

Locus iridis diversis spectatoribus² diversus est.

1 Si enim omnibus³ eodem in loco videretur, non sub eodem⁴ refractionis angulo⁵ ubique appareret, quod esset contra 25^am6. Quicumque igitur sunt in linea, quae centra⁷ solis et⁸ visus⁹ continuat, irides¹⁰ vident in diversis locis, sed in dicta linea centrum habentes. 2 Et sicut¹¹ imago, quae¹² in speculo apparet, diversis inspectoribus¹³ a diversis superficiei specularis partibus repraesentatur, ita et iridem¹⁴, quae per radiorum refractionem videtur, in diversis rorantis pluviae partibus a diversis oculis videri necesse est.¹⁵ [S:54]

3 Corollarium¹⁶

Unde sequitur, ut, si duo inspectores¹⁷ sint in eadem linea per centrum solis, videant duas irides concentricas, isque interiorem, qui a sole remotior. Si autem duo inspectores in eadem recta non¹⁸ sint cum centro solis, videbunt duas irides eccentricas¹⁹, aut se invicem tangentes, aut secantes. Ut scilicet²⁰ singuli suam iridem videant. [A:10v]