Propositio 41^a

1 Datam rationem toties, quoties quis proponat, multiplicare.

Si data ratio duplicanda sit, per ante praemissam iungatur [S:124] bis ipsamet sibi; si triplicanda, duplatae iam iungatur iterum; si quadruplicanda, triplatae iungatur [C:124r] iterum; itaque deinceps. Ita enim intelligitur multiplicari ratio, ut bis, ter, quaterve continuetur in terminis. 2 Unde quadratorum ratio dupla, cuborum tripla, secundorum quadratorum quadrupla ad laterum sive radicum rationem.

Corollarium

Igitur rationis duplatae terminis unus intererit medius proportionalis; triplatae, duo; quadruplatae, tres; itaque deinceps.