Propositio 16^a

1 Duplum ipsius e cum unitate, conficit aggregatum ipsorum df, hoc est, duplum numeri parte altera longioris cum unitate, conflat aggregatum collateralis et praecedentis quadratorum.

Patet, quoniam si differentiae ipsorum de et ipsorum ef essent aequales, tunc duplus ipsius e esset aequalis¹ aggregato ipsorum df. 2 Sed cum differentia ipsorum [C:80r] ef² sit unitate maior quam differentia ipsorum de, illa scilicet c et haec b, per tertiam huius, idcirco fit ut aggregatum ipsorum df unitate superet duplum ipsius e, sicut proponitur.