18^a Si coni sectioni linea coincidens producta in utramque²⁷⁵ extra sectionem cadat: relictumque sit quodam punctum intra sectionem²⁷⁶; et per ipsum aequedistans ducatur coincidenti; ducta si producatur in utramque²⁷⁷ coincidet sectioni.

Sit coni sectio²⁷⁸, cui coincidat linea azb ad punctum z ut utrinque eiecta extra sectionem cadat. // Et per punctum intra sectionem contingentem²⁷⁹ relictum utpote²⁸⁰ g ducatur ipsi ab aequedistans gd.

Dico iam quod gd producta in utramque²⁸¹ coincidet sectioni. // Capiatur enim in periferia sectionis contingens punctum, ut e ducaturque ez. // Et tunc quoniam duarum aequedistantium ab gd altera scilicet ab coincidit ipsi ez iam et reliqua scilicet gd. Coincidet eidem ze vel intra puncta z e et sic producta periferiae sectionis coincidet: vel extra punctum e et sic prius sectioni coincidet. // Similiter ostendemus quod et ad reliquam partem²⁸² per punctum g penes ab ducta sectioni coincidet, ducta videlicet ad reliquas partes ze²⁸³. // Quod erat demonstrandum.