[A:11v] 17^a Si in coni sectione a summitate ducatur linea ordinate applicata; extra sectionem cadet.

Sit coni sectio, cuius diameter ab perque sectionis²⁷⁰ verticem a ordinate applicata ducatur ag.

// Dico iam quod ag extra sectionem cadet.

// Cadat enim, si possibile est ag intra sectionem ad punctum g periferiae. // Quoniam itaque a contingenter²⁷¹ relicto puncto [S:19] g in periferia sectionis ducta est ordinate applicata ga ad diametrum ab. // Propterea iam per 7^am huius, ipsa ga bifariam secabitur ad ipsa ab diametro²⁷² omnis enim ordinata intra sectionem bifariam secatur a diametro: sed hic ag non secatur bifariam ab ipsa ab diametro,²⁷³ quod est absurdum. Non igitur ag intra²⁷⁴ sed extra sectionem cadet: quod erat demonstrandum.

Manifestum est ergo, quod ad summitatem sectionis ordinate applicata, in ipsa summitate contingit sectionem.