[S:151]

Ex octo conicorum libellis, quos Apollonius ad Eudemus scribens pollicetur, quatuor hosce, quid ad nos pervenerunt, multo iam labore correctos, ac necessariis demonstrationibus adauctos hactenus edidimus. Horum autem primus doctrinam tradit formandi conicas sectiones, Parabolen, Hyperbolen, et ellipsim, et contrapositas, ac diametros transversas, rectas, coniugatasque deducendi, aliasque ex aliis generandi. Secundus autem explicat proprietatem omnem Tangentium, Nontangentium, ac Secantium in Hyperbola, Contrapositisque, Sectionumque axium. Tertius quaedam trigona, et quadrilatera in contrapositis praecipue inter se aequalia scrutatur; et quarumdam se vicissim secantium linearum proportiones; praeterea quorumdam angulorum in Ellipsi, et Hyperbola factorum comparationem. Quartus denique quot in locis se invicem conicae sectiones aut tangere, aut secare possint perspicacissime differit. Superest nunc quatuor reliquos, si quando nobis in manus venerint, emendare: quod tamen cuiuis praecedentes bene intelligenti facillimum erit; est enim Quintus ut Apollonius innuit, ut plurimum de maximis, et minimis. Sextus de similibus, et aequalibus sectionibus. Septimus divisarum propositionum. Octavus conicorum problemarum. Sed ex his quintus, et sextus magis quam reliqui nobis desiderabantur: nam quamvis tota horum quatuor libellorum materia pendeat a doctrina priorum, tamen de maximis, et minimis, aut de similibus, et aequalibus sectionibus nulla sit in illis mentio. Septimo autem, et octavo vel sponte carere, existimo enim nihil fere in illis tractati, quod ex praecedentibus elici non posset. Interim nonnullis fragmentis speculationum ad quintum, ac sextum pertinentium me oblectabo. Tu autem quisquis es, ingeniose Lector, vive, vale. Si quid novisti rectius istis; candidus imperti, si non, his utere mecum.