[S:144] 37^a Si hyperbole utramque contrapositarum secet ad bina puncta: contraposita eius neutri contrapositarum coincidet.

Sint contrapositae a b. // Quas hyperbole gabd singulas secet ad duo puncta g a b d. // Sitque ipsius gab contraposita e. // Dico iam quod e sectio neutri ipsarum a b sectionum coincidet. // Connectantur enim rectae ag bd. // Quae, cum per 8^am 2ⁱ Conicorum, secent singulae ipsas non tangentes¹ sectionis gab confluent intra earumdem non tangentium² angulum. // Confluant apud z et producantur per t h in indefinitum. // Iam enim nunquam tangent ipsam e ipsius gab contrapositam, per 33^am secundi Conicorum. // Itaque nec possibile est ipsam e sectionem³ semper⁴ intra lineas tzh delatam, utrivis ipsarum a b contrapositarum coincidere. // Quod fuit demonstrandum.