Propositio 81^a

1 Residua, quorum radices habent invicem proportionalia et commensurabilia nomina, sortiuntur etiam proportionalia inter se, et commensurabilia nomina.

Quod in praecedenti de binomiis eorumque radicibus, quae sunt bimembres quantitates, ostensum fuit; hic similiter penitus demonstrabitur de residuis eorumque radicibus, quae sunt residuales quantitates. [C:150r] Quandoquidem eadem sunt residualium, quam¹ bimembrium nomina, quae² coniuncta bimembres, ablata vero minus a maiori residuales quantitates faciunt.