Propositio 109a
1 Omnis tetrahedrus centralis potest esse cubus centralis tertii generis, hoc est cubus mixtus, compositus scilicet ex cubis primi generis collaterali et praecedenti.1
2 Vocamus autem huiusmodi cubum mixtum, quoniam [C:75v] ex mixtura duorum cuborum primi generis compaginatur; sicut et quadratus centralis conficitur ex combinatione duorum primi generis quadratorum, scilicet collateralis et praecedentis. 3 Cum igitur, per praemissam, tetrahedrus constet ex collaterali et praecedenti primi generis, cubis, et ex eisdem cubis constet [S:74] cubus mixtus collateralis, per suam diffinitionem; iam satis constat propositum.
|