Propositio 60^a

1 Omnis quadratus imparis excedit praecedentis imparis quadratum in quadruplo collateralis paris.

Exempli gratia, quadratus¹ quarti imparis, scilicet 49, excedit quadratum tertii imparis, scilicet 25, in quadruplo quarti paris 6, hoc est in 24². 2 Nam per quinquagesimam tertiam praecedentem 49 constat ex parte altera longiori quarto quadruplicato, et unitate. Et per eandem 25 constat ex parte altera longiori tertio quadruplicato et unitate. Igitur 49 excedit ipsum 25 in quadruplo differentiae, qua parte altera longior quartus excedit parte altera longiorem tertium. 3 Sed per praemissam talis differentia est par³ numerus quartus, scilicet 6, ergo 49 excedit ipsum 25 in quadruplo quarti paris 6, [C:34v] hoc est in 24. Quod erat demonstrandum. Quare sicut pro quarto, ita⁴ pro⁵ alio quocunque loco propositum concludemus.

24 differentia
25	24	49	48
	1		1