30^a

93 Similia solida multarum basium intra sphaeras descripta, triplicem inter se proportionem habent ad proportionem diametrorum sive respondentium laterum.

94 Patet, nam si a centris sphaerarum ad singulos solidorum angulos lineae singulae educantur, secabuntur solida singula in tot pyramides, quot sortiuntur bases. 95 Cumque per praecedentem, duae pyramides similes⁵³ sint in triplici proportione laterum, iam per 13^am quinti aggregatum omnium pyramidum in una sphaera ad aggregatum omnium pyramidum in altera, hoc est totum solidum polyhedrum in una sphaera inscriptum ad totum solidum simile in altera inclusum, eam⁵⁴ servabit rationem, quam⁵⁵ pyramis ad correlativam pyramidem, hoc est triplicem ad rationem laterum, sive sphaeralium diametrorum sive semidiametrorum, quae sunt etiam latera pyramidum. Sicut proponitur demonstrandum.