24^a

79 Tam cylindri, quam coni eiusdem altitudinis sunt ad invicem sicut bases.

In descriptione praecedentis, super circulos ab, cd intelligantur duo cylindri, sive duo coni eiusdem celsitudinis. Et cum cylindris quidem columna laterata, cum conis vero pyramis laterata super figuram ef non tangens quidem cylindrum aut conum cd. 80 Et quoniam per 22^am huius, tam columnae quam pyramides⁴² eiusdem celsitudinis sunt ad invicem sicut bases, et perinde sicut quadrata quae ex basium diametris, idcirco eodem processu et argumentatione, quibus in praecedenti usi demonstravimus circulos esse proportionales quadratis diametrorum, ostendemus hic⁴³ cylindros, sive conos eiusdem celsitudinis, quorum bases [A:40r] sunt tales circuli, esse eorumdem diametrorum quadratis proportionales.