THEOREMA XXI

62 Quo minus duorum circulorum figurarumve similium similiterque positarum periferiae inter se removentur, eo magis ad unius circuli uniusve¹⁶⁴ figurae similitudinem coeunt.

63 Ut¹⁶⁵ si duo circuli ABCD et AECF sese in signis A, C intersecent, quo minus ipsae ABC et AEC periferiae inter se distiterint, eo magis ipsa ABCF ex periferiis utriusque circuli compacta figura ad circuli unius similitudinem accedit. Vel si duo ABC et DEF similia similiterque posita triangula sese in signis G et H intersecent, quo minus unaquaeque sese respicientia¹⁶⁶ latera inter se distiterint, eo magis ipsa[C:13r] AGDEHBCA ex utriusque trianguli peripheriis composita figura ad unius ipsorum triangulorum similitudinem propius¹⁶⁷ accedit.

Corollarium

64 Duorum ergo circulorum figurarumve similium similiterque positarum periferiae possunt inter se tam minime differre, ut differentia sensu nequaquam percipiatur¹⁶⁸, ideoque uterque unus esse circulus vel utraque una esse putetur figura.