THEOREMA XXXV

1 Ex radiorum concursu possibile est ignem generari.

2 In cavum speculum AB a signo solaris corporis C radii cadant CD, CE, CF qui ad unum fere punctum concurrant G. Quamvis enim sicut in ante praemissis patuit, radii ab¹ eodem signo in speculum tendentes ad idem reflexi punctum non concurrant, parum tamen abest, quin a parva cavi speculi portione ad idem punctum radii conveniant; fiet etiam ut a reliquis solaris globi signis in speculum descendentes radii, et si non omnes ad idem punctum, intra eiusdem tamen² loci angustiam conveniant. Quamobrem locus ille per quintum suppositum, maxime illuminabitur cumque calor lucem sequatur, atque ideo cum eadem intendatur et remittatur,[C:25r] idem quoque locus maxime calefiet. Quare expulso³ aere ignis ibi generabitur, qui⁴ fomitem⁵ sibi⁶ admotum⁷ accendet. Id quoque fiet si plura specula plana ita disponantur, ut receptam a sole lucem in eundem reflectant⁸ locum. Verum ergo id quod proponitur⁹, et ratione et experientia comprobatur.

Completum¹⁰ Messanae Anno Domini 1521 Mensis Octobris¹¹ die 19