THEOREMA III

1 Aeque¹ remota signa aequaliter; propiora vero magis illuminant.

2 A signo enim lucidi cuiuspiam A, in planum BC cadant radii AB, AD, AE, AF et AC, intelliganturque iidem radii rem GH, signo A, propiorem illuminare in signis G, H , K, L, M, sitque AE radius ipsis BC et GH planis perpendicularis; ipsi vero AD et AF, item et AB et AC, aequales². Aio quod BE³ et EC plana aequaliter, ipsum vero⁴ GH magis illuminabitur. Patet enim radios AB, AD, AE, AF et AC in planis BE et EC esse aequaliter⁵ densos, in plano vero⁶ GH densiores.⁷ Igitur per secundum suppositum, ipsa⁸ BE et EC plana aequaliter, ipsum vero GH magis illuminabitur. Quod si intelligatur[C:4r] signum A spatio BC propius fieri inter ipsas BA AC, lineas, crescet iam BAC⁹ angulus. Itaque BC spatium plures suscipiet radios¹⁰. Quare ex¹¹ quinto supposito magis illuminabitur.

Corollarium

3 Hinc et illud sequitur, ut sol aeque a se remota aequaliter, propiora vero¹² magis calefaciat.