9 Theorema V

Si quid per diaphanum parallelepipedum transpareat, linea visuali orthogonaliter³⁸ plana perforante, per ipsam rectam lineam spectabitur: secus vero non per ipsam, sed per radium utrinque fractum ad aequos inclinationis angulos, et³⁹ ideo⁴⁰ extra locum rei.

10 Prima huius theorematis pars ex primo supposito satis patet. Ut autem reliqua⁴¹ palam fiat⁴², sit diaphanum ab habens plana a, b parallela, oculus autem c et spectatum vero⁴³ d; et ducatur cd radius⁴⁴ ad ipsa⁴⁵ a, b plana inclinatus. Dico ipsum d non per ipsam cd lineam videri⁴⁶, sed per radium cabd⁴⁷, fractum in a et b, ita ut ab ab ipsa cd bifariam secetur in e, atque ipsi inclinationum anguli sint invicem aequales. 11 Si enim aliter esset, oporteret aut perpendicularem radium [A:2r] frangi, aut ex uno plano diaphani plures unius rei videri imagines. Cum⁴⁸ ergo d appareat per lineam cabd⁴⁹, iam extra locum proprium⁵⁰ videtur.