XXVI.

Eisdem suppositis, si hyperbole et parabole sint super diversos axes, se vicissim³¹⁹ secantes: id idem sequetur.

Ut si ipsius hyperboles ab axis bg secet ipsius paraboles bd axim dg, apud punctum g.

Hoc ut prius supposito ut hyperbole ab tangat intus parabolam³²⁰ bd, apud b, sive apud aliud punctum. Dico³²¹ quod omnino hyperbole ab secabit para[S:167]bolam bd. Nam cum bg linea secet axim paraboles dg, iam per 27. primi Conicorum, bg coincidet utrinque ipsi parabolae. Coincidat apud e. Igitur ba peripheria hyperboles omnino egrediens secabit de peripheriam paraboles. Quod fuit demonstrandum. Sed reliquum hyperboles brachium bz non semper coincidet parabolae, sicut quando³²² sectiones eumdem ponuntur habere axem³²³, ut in praecedenti. [C:13v]