36^a Si hyperbole utrique contrapositarum coincidat: eius contraposita neutri contrapositarum coincidet apud duo puncta. Neque tanget utramque ipsarum.

Sint contrapositae a b. // Et agb hyperbole¹⁷⁶ coincidat utrique ipsarum a b. // Dico iam quod contraposita ipsius agb quae sit dez non coincidet ipsarum a b alteri ad duo puncta. // Si enim possibile est, coincidat ad d e. // Et coniuncta de producatur. Quae, per 33^am secundi Conicorum, quando¹⁷⁷ secat ipsam dez in duobus locis, non coincidet eius contrapositae agb. // Et quoniam¹⁷⁸ secat ipsam aed non coincidet per eandem¹⁷⁹, eius contrapositae b. // Sed coincidet omnino alteri ipsarum, cum ipsae agb b sectiones concurrant apud b. // Quod est absurdum. // Et similiter demonstrabitur quod neque sectioni b ad duo puncta coincidet.

// Sed neque dez poterit utramque ipsarum a b sectionum tangere. // Namque pro deh secante, ducta tangente: tangens per 3^am 2ⁱ Conicorum, ibit inter ipsas agb et b sectiones neutram tangens. [A:110v] // Quare agb non coincidet ipsi b. // Quod est contra hypothesim. // Restat ergo propositum.