F  r  a  n  c  i  s  c  i        M  a  u  r  o  l  y  c  i        O  p  e  r  a        M  a  t  h  e  m  a  t  i  c  a
Introduzione Help Pianta Sommario
Emendatio et restitutio Apollonii Pergaei conicorum elementorum Liber primus Diffinitiones primae
<- App. -> <- = ->

[A:1v] [S:6]

DIFFINITIONES PRIMAE

<1> SI A QUODAM PUNCTO AD CIRCUMFERENTIAM circuli, qui non est in eodem plano, in quo punctum est: linea recta coniuncta in alteram partem protrahatur18: et manente puncto, linea ducta circa circuli circumferentiam, in idem rursus restituatur, unde cepit circumduci; descriptam a circumducta linea superficiem, quae componitur ex duabus superficiebus secundum verticem invicem positis, quarum utraque in infinitum augetur, describente19 linea in infinitumprotracta20; voco superficiem conicam.

<2> Verticem vero ipsius sive summitatem punctum dictum.

<3> Axim autem lineam ductam per punctum ipsum et centrum circuli.

<4> Conum autem contentam figuram a circulo et conica superficie inter verticem et circuli circumferentiam.

<5> Verticem quoque sive summitatem coni punctum idem, quod est superficiei vertex.

<6> Axim denique coni lineam ductam a summitate ad centrum circuli.

<7> Basim coni circulum ipsum.

<8> Conorum autem rectos voco ad rectos angulos habentes basibus axes.

<9> Scalenos vero non ad rectos habentes basibus axes.

<10> Omnis curvae lineae, quae est in uno plano, diametrum voco, rectam, quae ducta a curva linea omnes ductas intra periferiam curvam21 rectas lineas rectae cuidam aequidistantes per aequalia dividit.

<11> Summitatem autem seu verticem curvae terminum diametri in ipsa periferia curvae.

<12> Descendens autem super diametrum dividitur22 unaquaeque aequidistantium.

<13> Similiter autem et duarum curvarum linearum in uno plano iacentium diametrum voco obliquam23, quae secans omnes rectas inter curvarum periferias penes quasdam ductas hoc est cuidam aequidistantes bifariam dividit.

<14> Summitates autem seu vertices curvarum terminos diametri in ipsis periferiis.

<15> Rectam autem diametrum, quae posita inter duas curvas lineas, omnes rectas rectae cuidam aequidistantes et receptas inter duas lineas bifariam dividit.

<16> Ducta autem super diametrum dividitur24 unaquaeque aequidistantium.

<17> Coniugatas voco diametros curvae lineae, sive duarum curvarum linearum, lineas rectas duas25, quarum utraque diameter existens, aequidistantes alteri lineas bifariam dividat.

<18> Axim vero curvae lineae vel duarum curvarum linearum voco rectam, quae diameter existens lineae vel linearum ad rectos angulos secat aequidistantes.

<19> Coniugatos porro axes curvae lineae vel duarum curvarum linearum voco rectas, [A:2r] quae diametri coniugatae existentes, ad rectos angulos dividunt ad invicem aequidistantes.

PROPOSITIONES QUARUM QUAEDAM sunt theoremata, quaedam problemata

Inizio della pagina
->