[S:152]

Propositio 78^a

1 Omnis rationalis quantitas divisa in binomium, exhibet in quotiente residuum, cuius nomina commensurabilia sunt, et proportionalia ipsius binomii nominibus.

Exempli gratia, rationalis quantitas c dividatur per a binomium, et proveniat b. Aio, quod b residuum est, cuius nomina commensurabilia sunt, et proportionalia ipsius a binomii nominibus. 2 Nam cum divisor a in quotientem b producat divisam c, sitque a¹ binomium et c rationalis; iam, per septuagesimam sextam praecedentem, b residuum erit nominum commensurabilium et proportionalium ipsius a binomii nominibus. Quod est propositum.