Propositio 37^a

1 Omnis pyramis hexagona tetragonica constituitur ex pyramide pentagona collaterali et ex pyramide triangula praecedenti.

Exempli gratia, ostendam quod pyramis¹ hexagona quinta aequivalet aggregato duarum pyramidum, scilicet pentagonae collateralis et triangulae quartae sic: per diffinitionem pyramis² hexagona quinta coalescit ex unitate et ex quatuor hexagonis superficialibus sequentibus; tales autem hexagoni, per diffinitionem, singuli ex quatuor pentagonis collateralibus et ex totidem praecedentibus triangulis³. 2 Cumque unitas et quatuor pentagoni sequentes, per diffinitionem⁴, faciant quintam pyramidem pentagonam, quatuorque trianguli praecedentes conficiant quartam pyramidem triangulam⁵, iam pyramis hexagona quinta, scilicet 95, conflabitur ex pyramide pentagona quinta, scilicet 75, et ex pyramide triangula quarta, scilicet 20; et similiter per aliis locis accommodabitur demonstratio propositi.

	1		1
1	5		6
3	12		15
6	22		28
10	35		45
20	75		95