Duae portiones de conoide paraboles, quarum axes aequales, utcumque planis abscissae, sunt inter se aequales.
Nam per praecedentem, tales portiones singulae sunt aequales portioni ex eodem solido parabolico axem eumdem habenti, perque planum axi rectum abscisso. Quare per communem conceptionem, et ipsae portiones sunt ad invicem aequales. Quod erat demonstrandum.