Demonstratio Euclidis

15^a

55 Duo prismata, quorum alterum super basim trigonam, alterum super basim parallelogrammam trigonae duplam sit erectum, aeque alta sunt invicem aequalia.

56 Haec propositio facile ostenditur per 4^am harum. Nam si dupletur basis trigona, ita ut fiat parallelogramma, et super eam stet parallelepipedum³¹, dupletur item prisma stans super basim parallelogrammam. Et fiat alterum parallelepipedum. Iam haec duo paralle<le>pipeda per 4^am harum, erunt aequalia, et ideo prismata proposita, quae sunt earum dimidia, similiter aequalia erunt. Sicut proponitur.