6^a Si ellipseos, vel circuli circumferentiae diameter lineam quandam bifariam secet, non per centrum existentem; quae ad extremum diametri tangit sectionem, aequidistans erit bifariam sectae lineae.

Sit ellipsis, vel circulus, cuius diameter ab secet bifariam ipsam gd praeter centrum in puncto e.

// Dico iam, quod quae ad a tangit sectionem aequidistat ipsi gd.

// Si enim non; sit dz aequidistans tangenti apud a quam diameter secet in puncto h et connectatur [S:56] gt⁶⁶ eritque, per 47^am praecedentis zh aequalis ipsi hd et ideo per 2^am 6ⁱ Euclidis gz aequidistabit ipsi he quod est absurdum. // Nam cum per hypothesin puncta e h sint alia a centro; sit centrum c et producta dct connectatur gt. // Eruntque, per 30^am praecedentis dc ct aequales cumque sint et ipsae de eg aequales, iam per 2^am 6ⁱ Euclidis aequibistabit gt ipsi ehc cui cum aequidistet et gz erunt gt gz aequidistantes, quod est absurdum. Omnino ergo ad a tangens aequidistabit ipsi gd quod est propositum.